Estas en:

III CONCURSU RELATOS CURTIOS CONCEYU CANDAMU 2018

2018

III CONCURSU DE RELATOS CURTIOS

CONCEYU CANDAMU

Oxetivos

El tercer concursu de relatos curtíos convocáu pola Conceyalía de Cultura del Conceyu de Candamu tien como oxetivos:

 

  • Fomentar la creatividá ya la expresión lliteraria pa contribuir a desarrollar el conteníu cultural de la sociedá.
  • Esparder, consolidar, enriquecer ya da-y prestixu a la nuesa llingua ya la cultura asturiana.

Descripción

En III Concursu de Relatos Curtios establécense 2 categorías:

 

  • Podrán participar tolas personas mayores de 16 años, presentando una obra namái, escrita n´asturianu estándar ou na variante occidental, na que Candamu s´afita.

Premiarase la obra inédita qu´axuiciu del xuráu sía d´un valir lliterariu mayor. La temática ía llibre ya´l relatu ha tener una estensión de 5 fueyas como mínimu ya 20 como másimu.

Concederase un premiu de 500 euros al trabayu ganador d´esta primer categoría, tea escritu n´asturianu estándar ou na variante occidental, ya un premiu de 200 euros al relatu finalista. El xuráu podrá conceder los accésits qu´estime oportunos.

A estas gratificaciones económicas ha efectuáse-ys la retención correspondiente, en conceptu de tributos al Estáu.

 

  • Esta categoría ta dirixida a los escolinos de llingua asturiana hasta 16 años, au s´establez una subdivisión ente nenas/os hasta 12 años por un llau, onde se concederá un premiu consistente en un lote de llibros, CD´s ya DVD´s, ya de 12 a 16 por outru, estableciéndose outru premiu tamién consistente en material escolar.

Plazu de presentación

Las obras han presentase por cuadruplicáu nel Conceyu de Candamu (Barriu El Campu, núm 27, 33829 Grullos, Candamu) de manera presencial ou por corréu certificáu na mesma dirección, nun sobre baxo seudónimu, qu´axunte dientro la plica na que se dean a conocer los datos riales del autor/a: nome ya apellíos, DNI ou númberu de tarxeta residencia, fecha de nacencia, dirección completa, teléfonu de contactu, dirección de corréu ellectrónicu. Los participantes menores d´edá deberán indicar también nome, apellíos ya DNI del sou representante/tutor llegal.

Las obras han presentase primeiru del vienres, 16 de marzu de 2018.

Xuráu

Los premios del Certame fallaralos, atendiendo a la sou orixinalidá, redacción ya calidá lliteraria, un xuráu formáu por escritores ou docentes de llingua asturiana. El sou fallu nun se podrá retrucar.

El resultáu del concursu fairase públicu'l día 16 d´abril de 2018, al traviés del web del Conceyu, intre nel cual darase a conocer el llugar, fecha ya hora de la entrega premios. El Conceyu va comunicar el fallu a los premiaos.

Los trabayos presentaos van quedar en poder del Conceyu de Candamu, que los podrá publicar se lo estima oportunu.

 

Imágenes

cartel III concursu relatos curtios